Расія, паводле звестак ЗША, мае намер адправіць у Пхеньян афіцыйную дэлегацыю, каб прапанаваць паўночнакарэйскаму рэжыму харчаванне, у якім КНДР пастаянна мае патрэбу, у абмен на ўзбраенні, якіх не хапае Маскве для вядзення вайны ва Украіне.
Пра гэта паведаміў афіцыйны прадстаўнік Пентагона Джон Кірбі, па словах якога, любая ўгода паміж Расіяй і Паўночнай Карэяй, якая ўключае ўзбраенні, стане парушэннем рэзалюцыі Рады Бяспекі ААН, піша Бі-бі-сі.
ЗША і раней абвінавачвалі КНДР у пастаўках узбраенняў расійскім вайскоўцам і наймітам ПВК «Вагнер», а Пхеньян гэтыя абвінавачанні няўхільна абвяргаў.
Як заявіў на прэс-канферэнцыі Джон Кірбі, цяпер у ЗША з'явілася новая інфармацыя з нагоды магчымай здзелкі паміж Масквой і Пхеньянам.
«Нам вядома, што Расія мае намер адправіць дэлегацыю ў Паўночную Карэю і прапануе ёй прадукты харчавання ў абмен на боепрыпасы», — заявіў ён.
Па словах Кірбі, ЗША ўважліва сочаць за развіццём сітуацыі і магчымай угодай.
Раней у чацвер Міністэрства фінансаў ЗША ўжо ўнесла ў чорны спіс грамадзяніна Славакіі Ашота Мкртычава, які выступаў пасярэднікам на перамовах паміж Масквой і Пхеньянам. Прадстаўнікі ведамства сцвярджаюць, што Мкртычаў ужо арганізаваў шэраг здзелак, якія дазволілі Паўночнай Карэі ў канцы 2022-га — пачатку 2023-га года адпраўляць у Расію ўзбраенне ў абмен на валюту, грамадзянскія самалёты, тавары і сыравіну.
Шукаць на баку ўзбраенні і боепрыпасы, гэтак неабходныя ёй для працягу вайны ва Украіне, Расію прымушаюць жорсткія санкцыі, уведзеныя краінамі Захаду. Таму Масква ўсё часцей вымушаная звяртацца па дапамогу да нешматлікіх дружалюбна настроеных да яе дзяржаў, як КНДР і Іран.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе9
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары