Авіякампанія «Белавія» атрымала сертыфікат арганізацыі па тэхнічным абслугоўванні ад Расавіяцыі і цяпер зможа выконваць тэхнічнае абслугоўванне самалётаў, зарэгістраваных у Расіі, а таксама асобных катэгорый кампанентаў, устаноўленых на гэтыя самалёты.
Прэс-служба авіякампаніі падкрэсліла, што «Белавія» валодае шырокімі магчымасцямі для тэхнічнага абслугоўвання самалётаў: у яе структуры ёсць асобнае спецыялізаванае падраздзяленне — авіяцыйна-тэхнічная база.
Дырэктар «Белавія» Ігар Чаргінец з гэтай нагоды заявіў: «Нашы супрацоўнікі гатовыя праводзіць тэхнічнае абслугоўванне іншых кампаній на самым высокім узроўні, забяспечваючы бяспеку палётаў».
Уражваць дасягненнямі на расійскім кірунку — фактычна адзінае, што застаецца «Белавія» пасля таго, як у выніку прымусовай пасадкі ў Мінску самалёта Ryanair з мэтай даказаць сваю магчымасць распраўляцца нават з палітычнымі апанентамі, што апынуліся за мяжой, рэжым Лукашэнкі зрабіў нацыянальнага перавозчыка ізгоем на Захадзе.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1717
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары