Былую прэс-сакратарку МУС, а цяпер кіраўніцу Галоўнага ўпраўлення ідэалагічнай работы і па справах моладзі Мінгарвыканкама запрасілі выступіць у «ПалітStandUp» на АНТ.
Там Вольга Чамаданава разважала пра тое, што пагражае суверэнітэту краіны. Сярод такіх пагроз яна назвала Дзень святога Валянціна, Хэлоўін і наогул заходнюю культуру.
«Паралельна з нашага жыцця пачалі знікаць дзіцячыя «Зарніцы», сямейныя традыцыі 1 і 9 Мая, Купалле, Радуніца, іншыя спрадвечна свецкія і царкоўныя звычаі і абрады».
Магнаты і шляхта, у бачанні Чамаданавай, — «крывавы алігархат свайго часу».
Новая палітычная стэндаперка наракае, што мала педагогаў у школах носіць дзяржаўную сімволіку.
«І няхай заўтра ва ўсіх экстрэмісцкіх чатах панясуць, што Чамаданава прымушае настаўнікаў насіць значок у выглядзе дзяржаўнага сцяга», — дадае.
Вольга Чамаданава абурылася таксама, што ў Еўропе пасля пачатку вайны зносяць некаторыя савецкія помнікі. Пры гэтым не згадваючы, як у Беларусі руйнуюць польскія могілкі.
Чытайце таксама:
Вольга Чамаданава аб пратэстах 2020 года: Выдатна разумела, за што і дзеля каго змагалася
Каментары