Кіно1111

Серыял Netflix «Царыца Клеапатра» выклікаў абурэнне ў Егіпце. І вось чаму

Дакументальна-мастацкі серыял Netflix пра Клеапатру з цемнаскурай актрысай у галоўнай ролі выклікаў шквал абурэння ў Егіпце і абвінавачванні ў адрас аўтараў фільма ў спробе перапісаць гісторыю краіны, звязаўшы яе вытокі з цемнаскурымі афрыканцамі.

Актрыса Адэль Джэймс у ролі Клеапатры. Фота: Netflix

Удзельнікі кінапраекта адстойваюць сваё рашэнне аб выбары актрысы на галоўную ролю, сцвярджаючы, што гістарычнага кансенсусу аб каранях Клеапатры няма, піша Бі-бі-сі.

Пасля таго як на мінулым тыдні ў Егіпце выйшаў трэйлер серыяла, які прэтэндуе на гістарычную дакладнасць, шмат хто ў краіне абрынуўся на яго з крытыкай, а адвакат Махмуд Аль-Семары нават накіраваў афіцыйную заяву ў пракуратуру з патрабаваннем заблакаваць у Егіпце доступ да Netflix.

Аль-Семары абвінаваціў кампанію ў парушэнні законаў аб СМІ і прасоўванні ідэй афрацэнтрызму, «уключаючы слоганы і надпісы, накіраваныя на скажэнне і знішчэнне егіпецкай ідэнтычнасці».

Свой голас супраць серыяла падаў таксама знакаміты археолаг, былы кіраўнік Міністэрства старажытнасцяў Егіпта Захі Хавас. У інтэрв'ю газеце «Аль-Масры аль-Ём» ён назваў здагадку аб тым, што Клеапатра магла быць цемнаскурай, няпраўдай.

«Клеапатра была грачанкай па паходжанні, гэта значыць, яе скура была светлай, а не цёмнай», — сказаў Хавас, дадаўшы што адзінымі цемнаскурымі кіраўнікамі Егіпта былі кушыцкія цары 25-й дынастыі 747-656 гадоў да нашай эры.

«Netflix спрабуе пасеяць блытаніну і замяшанне, распаўсюджваючы ілжывыя звесткі, якія збіваюць з панталыку, аб тым, што ля вытокаў егіпецкай цывілізацыі стаялі цемнаскурыя людзі», — заявіў археолаг, заклікаўшы грамадскасць краіны выказаць пратэст міжнароднай стрымінгавай платформы.

Чатырохсерыйны паўдакументальны фільм пра Клеапатру выйдзе ў маі. Знакамітую царыцу, якая кіравала Егіптам з 51 па 30 гг.да н. э., у ім грае брытанская актрыса Адэль Джэймс.

У трэйлеры, які выйшаў 12 красавіка, згадваецца, што Клеапатра належала да грэчаскай дынастыі Пталемеяў. Але потым іншы гісторык кажа: «Я памятаю, як мая бабуля мне сказала: мне ўсё роўна, што табе распавядаюць у школе. Клеапатра была цемнаскурай».

Раней прадзюсар фільма Джада Пінкет Сміт, распавядаючы аб праекце, заяўляла, што хацела распавесці гісторыю Клеапатры, таму што «не так ужо часта мы бачым ці чуем гісторыі пра цемнаскурых царыц».

Пасля выхаду трэйлера і абуранай рэакцыі на яго актрыса Адэль Джэймс напісала ў сябе ў твітары: «Калі вам не падабаецца падбор акцёраў, не глядзіце серыял», суправадзіўшы запіс здымкам экрана з абразлівымі каментарыямі, якія прыйшлі ёй.

Клеапатра

Клеапатра нарадзілася ў егіпецкім горадзе Александрыя ў 69 г. да н. э., яна стала апошняй царыцай грэкамоўнай дынастыі, заснаванай палкаводцам Аляксандра Македонскага Пталемеем I.

Яна змяніла на троне свайго бацьку Пталемея XII у 51 г.да н. э і правіла да сваёй смерці ў 30 г. да н. э. У апошнія гады яе праўлення Егіпет быў заваяваны Рымам, а сама Клеапатра скончыла жыццё самагубствам, каб не патрапіць у палон.

Кім была маці Клеапатры, дакладна не вядома: паводле адной тэорыі, яна была незаконнанароджанай дачкой Пталемея ад адной з яго наложніц, якая, у сваю чаргу, тэарэтычна, магла быць як егіпцянкай, так і цемнаскурай ураджэнкай іншай часткі Афрыкі.

Ева Грын і Венсан Касель ззяюць у новым серыяле пра спецагентаў

Над фільмам пра Барбі працуе Грэта Гервіг, вядомая сваімі працамі ў незалежным кіно

«Госця з будучыні» для новага пакалення. Выйшаў першы трэйлер фільма «Сто гадоў таму наперад»

Каментары11

  • Алесь
    20.04.2023
    Егіпцяне маюць больш гонару чым затуканыя і забітыя еўрапейцы, без роду і племені.
  • Мойша
    20.04.2023
    Алесь, для іх гэта справа гонару і праўды, што вы сказалі каб Вітаўта зрабілі мулатам? Тут не пытання прымання ці не іншага колеру, тут пытанне праўды і калі такія людзі як Захі Хавас абурыліся то падставы ёсць! А эўрапейцы ўжо троху падурэлі на гэтым.
  • антиклеопатра
    20.04.2023
    "што ля вытокаў егіпецкай цывілізацыі стаялі цемнаскурыя людзі"
    а хіба не?
    майкл джэксан на карцінках таксама да цёмнаскурага не надта падобны...
 
Націсканне кнопкі «Дадаць каментар» азначае згоду з рэкамендацыямі па абмеркаванні.

У Мінску знік вядомы прарасійскі блогер і госць лукашэнкаўскай прапаганды9

У Мінску знік вядомы прарасійскі блогер і госць лукашэнкаўскай прапаганды

Усе навіны →
Усе навіны

Украінцы праводзяць паспяховыя контратакі на Пакроўскім напрамку2

Суд адправіў у калонію віцебскага турэмнага блогера

Чаму сала ў Беларусі даражэйшае за мяса? Патлумачылі фермеры4

Стала вядома, калі скончаць рэканструкцыю кінатэатра «Масква» ў Мінску2

Фэйкавы міліцыянер запалохвае беларусаў з дапамогай партрэта Лукашэнкі3

Наколькі хуткі ваш кішэчнік? Кукуруза дапаможа гэта праверыць3

Лукашэнка атрымаў віншаванне з «перамогай» на выбарах ад прэзідэнта Грузіі5

Кітай пачаў прапаноўваць краінам сваё фінансаванне замест USAID23

Зяленскі заявіў, што прапануе Расіі занятую УСУ частку Куршчыны на абмен5

больш чытаных навін
больш лайканых навін

У Мінску знік вядомы прарасійскі блогер і госць лукашэнкаўскай прапаганды9

У Мінску знік вядомы прарасійскі блогер і госць лукашэнкаўскай прапаганды

Галоўнае
Усе навіны →

Заўвага:

 

 

 

 

Закрыць Паведаміць