Сілавікі прыйшлі да сваякоў былога палітвязня Віталя Жука і яго жонкі
Сёння ў Кобрыне супрацоўнікі органаў (невядома, якога ведамства, бо яны не прадставіліся) прыходзілі да сваякоў былога палітзняволенага Віталя Жука і яго жонкі Маргарыты Касабуцкай, якія ўжо некалькі месяцаў таму з дзецьмі пакінулі Беларусь, піша «Вясна».
Міліцыянтаў з Брэста цікавіла кватэра, у якой жыла сям’я, і маёмасць у ёй. Яны правялі агляд кватэры і фатаграфавалі яе.
Віталь распавядае, што супрацоўнікі ведалі ўсе інтэрв’ю, якія ён даваў пасля вызвалення, а таксама казалі, што яго пазбавяць грамадзянства. Былы палітвязень тлумачыць такую цікавасць супрацоўнікаў магчымасцю распачынання ў дачыненні да яго спецвытворчасці па крымінальнай справе.
Віталя асудзілі на 1,5 года пазбаўлення волі за каментарый пра Лукашэнку. Мужчына цалкам адбыў свой тэрмін, а пасля вызвалення разам з сям'ёй пакінуў Беларусь.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1818
Каментары