Гісторыя44

У Пінску адкрылі цікавы музей яўрэйскай гісторыі

Адбылося афіцыйнае адкрыццё музея «Сцежкамі яўрэйскай гісторыі» ў школе «Бейс-Агарон» на вуліцы Партызанскай у Пінску, паведамляе «Медыя-Палессе». Над стварэннем музейнай экспазіцыі працавала вядомая мясцовая экскурсаводка Таццяна Хвагіна.

Музей месціцца ў цокальным будынку школы. Яго гісторыя пачалася з экспазіцыі, якую пачаў збіраць яшчэ ў пачатку 2000-х гадоў старшыня пінскай яўрэйскай абшчыны Іосіф Ліберман, цяпер ужо нябожчык.

Калекцыя складалася з самых розных прадметаў і дакументаў, якія не ўкладаліся ў стройную сістэму, а існавалі як бы асобна адзін ад аднаго. Яна захоўвалася на другім паверсе ў будынку былога Дома быту па вуліцы Бялова.

Пры стварэнні музея «Сцежкамі яўрэйскай гісторыі» прадметную калекцыю, сабраную Ліберманам, істотна пашырылі. У новай экспазіцыі яна складае каля 15-20%, але без гэтага пачатку не было б і самога музея.

Стваральнікам вельмі хацелася ў мініяцюрны музей змясціць ледзь не ўсю гісторыю яўрэяў Палесся, паказаць розныя бакі яўрэйскага жыцця і багатыя традыцыі.

У музеі можна ўбачыць не толькі Пінск і знакамітае яўрэйскае прадмесце Карлін, але і іншыя яўрэйскія мястэчкі, кожнае з якіх мела сваю спецыялізацыю, славілася майстрамі, сакральнымі помнікамі і вядомымі людзьмі.

У экспазіцыі шмат посуду, керамікі з Гарадной — былога яўрэйскага мястэчка Столінскага раёна, якое было радзімай бацькі Іосіфа Лібермана.

Адно з упрыгажэнняў экспазіцыі — фігуркі з салёнага цеста. Гэты матэрыял далікатны, але традыцыйны для Палесся. З яго ў асобных рэгіёнах рабілі ўпрыгажэнні для вясельных караваяў.

Кампазіцыі мінскага мастака Эліны Сіняўскай выкананыя на тэму яўрэйскіх святаў і традыцый. Тут можна ўбачыць маладую пару пад хупай, яўрэйскія пахаванні, рабіна, які трубіць у шафар, святкаванне Пейсаха, Сукота, вясёлага Пурыма і многае іншае.

За кожным экспанатам музея — гісторыя і традыцыі яўрэйскага народа. У музеі нямала кніг духоўнага зместу, сярод іх старадаўнія, адна датуецца 1568 годам.

Не засталася без увагі стваральнікаў музея і тэма вайны ды Халакосту. Пакуль яна прадстаўленая сціпла — не хапае месца, і калекцыя таксама вельмі сціплая. Сярод экспанатаў кнігі, дакументы, узнагароды, карціны мясцовых мастакоў.

Ёсць і некалькі экспанатаў з гісторыяй — напрыклад, пляшка, якая разам з выхадцам мястэчка Пагост-Загародскі дайшла да Берліна, або пішучая нямецкая машынка, якая стала ваенным трафеем і яшчэ доўга служыла ў адной з устаноў Пінска. Тут жа і кавалачкі скруткаў Торы.

Удалося знайсці грашовыя купюры, якія дзейнічалі ў перыяд акупацыі, выпушчаныя ў 1940 годзе, хутчэй за ўсё, на тэрыторыі Польшчы. А таксама даваенны драўляны чамадан з напісаным на ім крэйдай адрасам.

У музеі ўжо запланавана некалькі экскурсій.

Каментары4

  • Наум
    28.04.2023
    Нам таких музеев как можно больше нужно!
  • Усевалад
    29.04.2023
    Цікава, які працэнт беларусаў мае габрэйскія карані.
    Але габрэй -- гэта хутчэй не гены, і не рэлігія, гэта склад мыслення.
  • mikola
    01.05.2023
    malaicy sto adkryli......treba bylo ranei.........

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

У Гданьску беларус сказаў паліцэйскім, што ўдзельнічае ў конкурсе па пошуку схаваных наркотыкаў1

У Польшчы арыштавалі прадстаўнікоў незвычайнага бізнэсу. Яны за плату на пэўны час пераводзілі грошы кліентам, якім патрэбныя былі польскія ДНЖ4

Пуцін, Трамп і Сі паціснулі адзін аднаму рукі і коратка пагутарылі 7

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля31

У Пятрухіна на стрыме выбілі з рук тэлефон. Блогер абрынуўся на беларусаў Уроцлава38

Самы доўгі тралейбусны маршрут Мінска збіраюцца зрабіць яшчэ даўжэйшым

У мінскім метро расказалі, колькі часу займае паездка ад першай да апошняй станцыі

Кіраўнік МЗС Літвы пракаментаваў магчымасць змякчэння санкцый супраць Беларусі і яе ролю ў мірных перамовах6

Гіганцкі фантан працаваў сёння раніцай у Мінску

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць