«Рэйкавага партызана» Віталя Мельніка этапавалі ў самую суровую ў Беларусі калонію
Праваабаронцам стала вядома, што «рэйкавага партызана» Віталя Мельніка этапавалі ў глыбоцкую калонію № 13, дзе цяпер знаходзіцца палітзняволены палітык Мікалай Статкевіч.
Віталя Мельніка абвінавацілі па шэрагу крымінальных артыкулаў. 22 снежня на закрытым судзе яму прысудзілі 13 гадоў калоніі асаблівага рэжыму. Асаблівы рэжым прадугледжвае камернае ўтрыманне ў калоніі.
Згодна з матэрыяламі справы, у ноч з 24 на 25 сакавіка 2022 года на перагоне Навасады — Барысаў Мельнік падпаліў рэлейную шафу святлафора аўтаматычнага блакавання, чым прывёў у непрыдатны для эксплуатацыі стан яго прыборы і элементы. У выніку гэтага адбылася затрымка 22 грузавых і 17 пасажырскіх цягнікоў.
Пры затрыманні беларусу прастрэлілі каленныя суставы, ён дагэтуль перасоўваецца на мыліцах.
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары