У Варшаве згубіўся шасцігадовы беларус, але ўсё скончылася хэпі-эндам
Варшаўская паліцыя расказала, як днямі дапамагла 30-гадоваму беларусу адшукаць ягонага шасцігадовага сына, які згубіўся падчас прагулкі па набярэжнай Віслы.
Паводле паліцэйскага прэс-рэліза, апоўдні да мясцовых праваахоўнікаў звярнуўся занепакоены беларус, які жыве ў Польшчы, і запытаўся, ці не бачылі яны ягонага сына. Хлопчык катаўся па набярэжнай на чырвоным ровары і ў нейкі момант прапаў з поля зроку бацькі.
Узяўшы падрабязнае апісанне дзіцяці і нумар тэлефона беларуса, патруль накіраваўся ў пункт назірання, размешчаны на бульварах. Праглядаючы выявы з камер, праваахоўнікі ўбачылі ў раёне навуковага цэнтра «Капернік» хлопчыка, вонкавы выгляд якога адпавядаў апісанню.
Калі паліцыянты падышлі да хлопчыка, той заплакаў і прызнаўся, што згубіў тату. Але праз чвэрць гадзіны ўжо радасна кінуўся да яго на рукі.
Чытайце таксами:
Беларуса затрымалі на нямецка-польскай мяжы за дапамогу нелегальным мігрантам
Беларуса, які спаў на вуліцы ў Варшаве, забралі ў турму. Што здарылася?
Беларус і ўкраінка загінулі ў аўтакатастрофе, едучы са спаткання
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім6
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары