Пастановай Міністэрства аховы здароўя №68 ад 3 мая 2023 года вызначаны рацыён бясплатнага харчавання донара крыві ці яе кампанентаў у дзень здачы. Пастанову апублікавалі на Нацыянальным прававым партале.
Фота ілюстрацыйнае
У прыватнасці, донарам, якія адмовіліся ад кампенсацыі выдаткаў, звязаных з выкананнем імі донарскай функцыі, будуць даваць: 500 мл пітной мінеральнай сталовай вады, 200 г печыва, 140 г шакаладу, 95 г зефіру, 75 г мармеладу, 40 г гематагену, 40 г цукру, 30 мл соку і 8 г чорнага чаю.
Астатнім донарам (якія не адмовіліся ад кампенсацыі адпаведных выдаткаў) прапануецца больш сціплы набор: 500 мл пітной мінеральнай сталовай вады, 200 г печыва, 100 г шакаладу, 40 г гематагену, 40 г цукру і 8 г чорнага чаю.
Каментары