20 мая кіраўнік ПВК «Вагнер» Яўген Прыгожын апублікаваў у сваім тэлеграм-канале шасціхвілінны ролік, у якім заявіў, што ягоныя найміты сёння апоўдні ўсталявалі поўны кантроль над Бахмутам. Але неўзабаве прэс-сакратар Усходняй групоўкі войскаў УСУ Сяргей Чараваты абверг заяву Прыгожына.
«Гэта няпраўда. Нашы падраздзяленні працягваюць баі за Бахмут», — паведаміў Чараваты агенцтву Reuters.
Раней намеснік міністра абароны Украіны Ганна Маляр назвала сітуацыю ў Бахмуце «крытычнай», аднак заявіла, што ўкраінскія вайскоўцы «кантралююць пэўныя прамысловыя і інфраструктурныя аб'екты» ў горадзе і прыватны сектар.
Па даных Інстытута вывучэння вайны (ISW) за 19 мая, у Бахмуце працягваюцца баі на паўднёвым захадзе горада.
Каментары