У чарзе на ўезд у Еўрасаюз стаіць амаль 400 легкавых машын — ДПК
Дзяржаўны памежны камітэт паведаміў, што па стане на 12:00 28 мая вялікія чэргі легкавога транспарту фіксуюцца перад польскім пунктам пропуску «Тарэспаль» (з беларускага боку — «Брэст») і перад літоўскімі — «Меднікі» («Каменны Лог»), «Салечнікі» («Беняконі»), «Райгардас» («Прывалка») і «Шумскас» («Лоша»).
Самая вялікая чарга ўтварылася перад пунктам пропуску «Тарэспаль» — 250 легкавых аўтамабіляў.
Грузавы транспарт ідзе з затрымкамі праз літоўскія пункты пропуску «Лаварышкі» (з беларускага боку — «Катлоўка»), «Меднікі» («Каменны Лог»), «Райгардас» («Прывалка») і праз польскі памежны пункт «Кукурыкі» («Казловічы»).
Самая вялікая чарга тут — перад пунктам пропуску «Меднікі» («Каменны Лог») — 100 грузавых аўтамабіляў.
Раней паведамлялася, што з 27 па 29 мая могуць вырасці чэргі ў пункце пропуску «Каменны Лог» — там мяняюць асфальт, і дзеля таго з шасці палос, прызначаных для руху транспарту, грузавыя аўтамабілі рухаюцца толькі па адной, а легкавыя — па дзвюх палосах.
Герой Беларусі Марына Васілеўская нарадзіла дачку ад касманаўта Алега Навіцкага16
Каментары