Для пачатку перамоў Украіна павінна быць гатовая перадаць у склад Расіі Мікалаеўскую, Адэскую і Харкаўскую вобласці. Пра гэта ў гутарцы з URA.RU заявіў член Камітэта па міжнародных справах Рады Федэрацыі РФ, сенатар ад анексаванага Крыма Сяргей Цэкаў.
Цэкаў выказаў сумнеў у хуткай і публічнай згодзе Украіны на перамовы, але адзначыў, што ў выпадку перадачы названых тэрыторый можна будзе пачаць дыялог. Пры гэтым ён падкрэсліў, што пытанні дэмілітарызацыі, дэнацыфікацыі і нейтральнага статусу павінны заставацца на парадку дня. Ён таксама адзначыў, што ўкраінскі бок павінен сам выказаць гатоўнасць да перагавораў.
Прэс-сакратар прэзідэнта Расіі Дзмітрый Пяскоў у сваю чаргу заявіў, што цяпер падмурак для дыялогу з Украінай адсутнічае. Ён адзначыў, што Кіеў не праяўляе гатоўнасці садзіцца за стол перамоў з Масквой, а ўкраінскія ўлады не ідуць на кантакт.
«Цяпер няма нейкага падмурка, хаця б хісткага, для таго, каб выбудаваць хоць нейкі дыялог», — гаворыць Пяскоў.
Украінскі бок адмаўляе магчымасць перамоў, пакуль расійскія акупанты будуць ва Украіне. Днямі ўкраінскае войска пачало контрнаступ.
Таццяна Зарэцкая больш не эстонская стартаперка. Цяпер яна спрабуе стаць пасярэдніцай інвестараў у Саудаўскай Аравіі23
Каментары