У Дзятлаве на Гродзеншчыне ўжо другія суткі шукаюць 12-гадовую Лізавету Дзям'яненку. Інфармацыю апублікавалі ў афіцыйнай групе пошукава-выратавальнага атрада «Анёл» у сацыяльнай сетцы «УКантакце».
У паведамленні гаворыцца, што 13 чэрвеня 2023 года каля 19-й гадзіны дзяўчынка выйшла з дому ў невядомым кірунку. Да цяперашняга моманту пра яе няма інфармацыі.
Дзяўчынка жыве ў горадзе Дзятлава на вуліцы Кастрычніцкай, 9. Яе прыкметы: рост 158 сантыметраў, шэрыя вочы, валасы светла-русыя. На ёй былі чорная байка, шэрыя джынсы, светлыя красоўкі.
Адзначаецца, што пры сабе ў дзяўчынкі мог быць аранжавы заплечнік.
Каментары