Зяленскі заявіў, што Буданаў удзельнічаў ва ўчарашнім пасяджэнні ваеннага кабінета
«Была сёння яшчэ адна падзея, яшчэ адзін пункт майго графіка, пра які пакуль не паведамлялася. Гэта ваенны кабінет. [У ім удзельнічалі] нашы камандуючыя: генералы Сырскі, Тарнаўскі, Залужны, Шаптала […], — і быў Буданаў», — сказаў прэзідэнт Украіны Уладзімір Зяленскі ў вячэрнім звароце.
15 чэрвеня «РІА Навіны» са спасылкай на крыніцу ў сілавых структурах паведамілі аб цяжкім раненні Кірылы Буданава ў выніку ўдару па кіраванні разведкі 29 мая.
Да гэтага ў расійскіх тэлеграм-каналах распаўсюджвалася інфармацыя пра яго гібель. 16 чэрвеня прадстаўнік ГУР Андрэй Юсаў сказаў, што з Буданавым усё ў парадку.
Раней расійская прапаганда (а за ёй і беларуская) цягам мая запускала інфармацыю пра тое, што спачатку нібыта загінуў, а пасля быў цяжка паранены галоўнакамандуючы УСУ Валерый Залужны. Ён сапраўды не паказваўся на публіцы некалькі тыдняў, але 25 і 26 мая з'явіўся і на фота, і на відэа.
Апошняе на сённяшні дзень відэа з Кірылам Буданавым з'явілася 11 чэрвеня. У ім кіраўнік украінскай разведкі паўхвіліны глядзіць у камеру і не прамаўляе ні слова, а ў канцы роліка ўзнікае надпіс: «Планы любяць цішыню».
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары