У збітай у Чачні расійскай журналісткі Мілашынай налічылі 14 пераломаў
Журналістка «Новой газеты» Алена Мілашына прайшла абследаванне ў маскоўскай клініцы пасля нападу на яе ў Чачні, паведаміла выданне.
Мілашынай дыягнаставалі закрытую чэрапна-мазгавую траўму, да 14 пераломаў кісцяў рук і шматлікія ўдары мяккіх тканак. «Свядомасць ясная, стан стабільны», — дадалі ў выданні.
Упраўленне Следчага камітэта па Чачні паведаміла пра завядзенне крымінальнай справы па факце нападу на Мілашыну і адваката Аляксандра Немава ў Чачні.
Справа заведзена па артыкулах аб «наўмысным прычыненні шкоды здароўю сярэдняй цяжкасці» і «наўмысным прычыненні лёгкай шкоды здароўю».
Ноччу 5 ліпеня стала вядома аб іх вяртанні ў Маскву.
Напярэдадні журналістка і адвакат прыляцелі ў Грозны на прысуд маці чачэнскіх актывістаў Зарэмы Мусаевай, якую ў студзені 2022 года з Ніжняга Ноўгарада выкралі чачэнскія сілавікі. Мусаевай прысудзілі 5,5 года калоніі — менавіта столькі запытвала абвінавачанне.
Аўтамабіль Мілашынай і Немава па дарозе з аэрапорта блакавалі ўзброеныя людзі. Журналістку і адваката моцна збілі нагамі, у тым ліку па твары, а затым адабралі і разбілі тэхніку. Нападнікі, па словах адваката, пагражалі іх застрэліць, прыкладалі пісталет да галавы.
Цяпер чытаюць
Стала вядома імя яшчэ аднаго палкоўніка ДФР, арыштаванага КДБ. Ён расказваў сукамернікам, як яго катавалі12
Каментары