Федэрацыя хакея падтрымала Міхаіла Захарава на пасадзе галоўнага трэнера нацыянальнай зборнай Беларусі.
Выканкам Федэрацыі хакея на пасяджэнні 25 лістапад падтрымаў кандыдатуру Міхаіла Захарава ў якасці галоўнага трэнера нацыянальнай зборнай Беларусі.
Саракасямігадовы галоўны трэнер мінскага «Юнацтва» і зборнай Украіны быў прызначаны галоўным трэнерам беларускай зборнай загадам Міністэрства спорту і турызму ад 16 лістапада на перыяд яе падрыхтоўкі і ўдзелу ў зімовых Алімпійскіх гульнях 2010 года ў канадскім Ванкуверы.
Захараў не ўваходзіў у спіс кандыдатаў, прадстаўленых ФХРБ у Мінспорту ў адпаведнасці з рашэннем удзельнікаў нарады, што адбылася ў міністэрстве 3 лістапада, на наступны дзень пасля адстаўкі канадца Глена Хэнлана.
Заяву з просьбай разгледзець яго кандыдатуру Захараў прынёс у Мінспорту сам. Паводле неафіцыйнай інфармацыі, неўзабаве пасля прызначэння міністэрскім загадам Захарава з новай пасадай павіншаваў Аляксандр Лукашэнка. На прэс‑канферэнцыі 19 лістапада намеснік міністра спорту і турызму Дзмітрый Шычко назваў працэдуру прызначэння трэнера юрыдычна карэктнай.
Цяпер чытаюць
81‑гадовую маці аўтарытэта Скітова з «Бабулінай крынкі» кінулі ў СІЗА КДБ, каб ён нарэшце загаварыў8
Каментары