Генеральны сакратар НАТА Енс Столтэнберг заявіў, што Турцыя пагадзілася ўхваліць уступленне Швецыі ў Паўночнаатлантычны альянс «як мага хутчэй», піша «Еўрапейская праўда».
Па словах Столтэнберга, пасля трохбаковай сустрэчы з удзелам прэм'ера Швецыі Ульфа Крыстэрсана турэцкі прэзідэнт «пагадзіўся накіраваць пратакол аб ратыфікацыі ўступлення Швецыі ў НАТА ў парламент як мага хутчэй і супрацоўнічаць з парламентам, каб гарантаваць яго ўхваленне».
Генеральны сакратар НАТА таксама канстатаваў, што Швецыя выканала ўсе ўмовы мемарандума, заключанага на леташнім саміце Альянсу ў Мадрыдзе, каб задаволіць занепакоенасць Турцыі ў пытанні бяспекі.
«Швецыя і Турцыя пагадзіліся сёння заключыць двухбаковую дамову бяспекі. НАТА таксама значна ўзмоцніць сваю працу ў гэтай сферы, таму я ўпершыню засную ў штаб-кватэры НАТА пасаду спецкаардынатара ў пытаннях контртэрарызму», — дадаў ён.
Швецыя разам з Фінляндыяй летась падалі заяўку на ўступленне ў НАТА. Але калі Хельсінкі ўжо ў красавіку 2023-га сталі 31-м членам Альянсу, то Турцыя тармазіла ўступленне Швецыі, спасылаючыся на яе нібыта недастатковую барацьбу з тэрарызмам.
-
Ілан Маск: Starlink нельга выкарыстоўваць для наступальных дзеянняў, а хуткасць і параметры вайсковых тэрміналаў вызначаюць Пентагон і Трамп
-
Для ўезду ў Казахстан беларусам трэба будзе запытваць пропуск за тры дні
-
Харватыя карыстаецца жаданнем Чарнагорыі ўступіць у Еўрасаюз, каб павырашаць на сваю карысць старыя спрэчкі
Цяпер чытаюць
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам20
Каментары