Пра тое, што прэм'ер-міністр Ізраіля Біньямін Нетаньяху патрапіў у бальніцу, паведамляюць ізраільскія медыя.
Фота: AP Photo / Oren Ziv, File
Паведамляецца, што Нетаньяху страціў прытомнасць у сябе дома, упаў і моцна стукнуўся галавой, пасля чаго яго прывезлі ў шпіталь на аўтамабілі хуткай дапамогі.
У офісе прэм'ера заявілі, што ён «у добрым стане» і праходзіць медыцынскае абследаванне ў бальніцы Шыба ў прыгарадзе Тэль-Авіва.
Нетаньяху 73 гады. Ён трэці раз узначаліў урад Ізраіля ў канцы снежня 2022 года. Дагэтуль ён займаў самую ўплывовую ў гэтай краіне пасаду ў 1996—1999 і 2009—2021 гадах. Агульны прэм'ерскі стаж у яго ўжо амаль 16 гадоў, і гэта рэкорд для ўсіх кіраўнікоў Ізраіля.
Каментары