Васьмігадовы хлопчык купляў у даркнэце АК-47 і адмываў грошы для злачынцаў
Шакуючай гісторыяй падзялілася мама хлопчыка з Нідэрландаў. Яна расказала, што яе сын стаў займацца хакерствам у 8 гадоў. Жанчына думала, што сын гуляе ў відэагульні, аднак неўзабаве заўважыла, што хлопец замаўляе рэчы анлайн і не плаціць за іх. Замест аплаты хлопчык казаў кодавыя фразы, напрыклад, «Піт прыязджае да нас».
Калі ж дамоў даставілі сапраўдны аўтамат АК-47 з патронамі, жанчына забіла трывогу і звярнулася ў паліцыю. Як выявілася, хлопцам маніпулявала група хакераў. Злачынцы давалі хлопчыку заданні, напрыклад, узламаць сервер прыватнай кампаніі і падзяліцца скрадзенымі данымі або адмыць грошы для кіберзлачынцаў.
Маме ўдалося засцерагчы сына ад далейшых злачынстваў, ніякіх прэтэнзій з боку закона да яго няма. Сама ж яна цяпер далучыліся да нідэрландскай паліцыі і кансультуе іншых бацькоў, чые дзеці могуць падвяргацца ўплыву кіберзлачынцаў.
Каментары