У мінскіх ЖЭУ цяпер вакантна 82 стаўкі дворнікаў, з 2 283 працоўных месцаў занята 2 201, паведаміла агенцтва «Мінск-Навіны».
Пра сітуацыю з дворніцкімі кадрамі падчас пасяджэння працоўнай групы па пытаннях добраўпарадкавання і ўтрымання сталіцы паведаміла генеральная дырэктарка аб'яднання «Мінская гарадская жыллёвая гаспадарка» Марына Тоўсцік.
Больш за ўсё дворніцкіх вакансій цяпер у Першамайскім раёне — 20. За ім ідуць Маскоўскі раён, дзе патрабуецца 12 работнікаў, Цэнтральны — 11, Партызанскі — 10, Савецкі — 8, Фрунзенскі — 7. А вось у Кастрычніцкім незанятых ставак усяго 3.
У працэнтных суадносінах недахоп кадраў найбольш адчувальны ў тым жа Партызанскім раёне, дзе штат дворнікаў цяпер укамплектаваны на 90,3 %. А самы запоўнены такімі работнікамі раён — Фрунзенскі, там не хапае ўсяго 1,2% дворнікаў ад штатнай колькасці.
Марына Тоўсцік падкрэсліла, што перад жыллёвымі арганізацыямі стаіць задача цалкам запоўніць усе вакансіі дворнікаў у тэрмін да 1 верасня. Па яе словах, рабочым па комплекснай уборцы і ўтрыманні некаторыя ЖЭУ нібыта гатовыя плаціць да 1 500 рублёў.
Цяпер чытаюць
35 маладых беларусаў і беларусак, за якімі варта сачыць: апублікаваны першы спіс Next 3519
Каментары