На сустрэчы з кіраўніком судовых прыставаў Пуцін пацікавіўся, а скуль у людзей бяруцца даўгі
Уладзімір Пуцін сёння правёў сустрэчу з дырэктарам Федэральнай службы судовых прыставаў РФ Дзмітрыем Арыставым. Высветлілася, што пакуль Пуцін заклапочаны сваёй яхтай і вядзе вайну на чужой тэрыторыі, расіяне бяднеюць, іх даўгі растуць.
Арыстаў распавёў Пуціну, што рост запазычанасцяў у Расіі расце, цяпер у яго службы ў рабоце 12,7 мільёна дакументаў на суму ў 2 трыльёны расійскіх рублёў.
«Гэта вельмі шмат», — сказаў Арыстаў.
Узрост сярэднестатыстычнага даўжніка — працаздольны, 30-45 гадоў; сярэдняя сума доўгу — прыблізна 173 тысячы расійскіх рублёў (каля 1800 даляраў) на адну выканаўчую вытворчасць.
«Гэтая катэгорыя даўжнікоў увогуле не працуе, афіцыйнай крыніцы даходу не мае, мае адзінае жыллё, якога па грамадзянска-працэсуальным законе спагнаць няможна. З гэтых людзей практычна ўзяць няма чаго. Тым не менш, мы стараемся…» — сказаў Арыстаў.
«Узнікае пытанне: як у іх даўгі ўзніклі?» — спытаў Пуцін.
«Так, сапраўды, узнікае, — пагадзіўся судовы выканаўца і патлумачыў: — Многія з іх — даўжнікі не толькі па крэдытах, і неаднаразовыя, але і даўжнікі па плацяжах за жыллёва-камунальную гаспадарку, у паліўна-энергетычнай сферы, займаюць у суседзяў — не аддаюць, тыя прадʼяўляюць. Комплексна — такая «прафесія», прафесійны даўжнік.
«Праблема дзяржавы — трэба, каб у людзей не ўзнікалі такія жыццёвыя сітуацыі, — заўважыў Пуцін і раскрыў рэцэпт: — Узровень заработнай платы падвышацца павінен, у цэлым дабрабыт людзей».
Цяпер чытаюць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам14
Каментары
Но как экономист сказал, что надо делать, чтобы долги не возникали - повысить зарплаты.
Если у людей будут деньги - у них не будет долгов.