Грамадства66

У Беластоку запрацавала беларуская школа. У яе запісалася больш за 40 дзяцей

У школе вучаць беларускай мове і літаратуры, а таксама выкладаюць прадмет, вядомы пад назвай «Мая радзіма — Беларусь», ці «Чалавек і свет». З яго вучні атрымліваюць веды з беларускай гісторыі, культуры і геаграфіі.

Твор вучаніцы беларускай школы ў Беластоку

Беларуская школа ў Беластоку — гэта філіял Беларускай школы ў Варшаве. Яна больш вядомая як школа Алеся Лозкі.

Па словах загадчыка філіялу Алега Юрчыка, арганізаваць беларускае навучанне для дзяцей з сем’яў беларускіх эмігрантаў, большасць з якіх апынулася на чужыне з-за пераследу на радзіме, было няпроста.

Польскае заканадаўства дазваляе праводзіць такія заняткі ў школах толькі для прадстаўнікоў нацыянальных меншасцяў з польскім грамадзянствам.

Цягам трох гадоў рупліўцы беларускамоўнага школьніцтва ў Беластоку шукалі выйсця з няпростай прававой сітуацыі і былі ўсцешаныя прапановай Алеся Лозкі супрацоўнічаць з яго школай у якасці філіялу.

Беластоцкі філіял працуе як школа выхаднога дня. Заняткі праводзяцца ў суботы для вучняў 1-4 класаў. Дзве гадзіны адведзена на вывучэнне беларускай мовы і літаратуры. Чацверакласнікі гадзіну будуць яшчэ праходзіць курс «Чалавек і свет».

Заняткі ў беларускай школе Беластока

Ахвотных вучыцца па-беларуску ў Беластоку збіралі анкетаваннем.

Былі заяўкі на навучанне ў беларускай школе і ад бацькоў, чые дзеці ходзяць у старэйшыя класы, але з іх пакуль не ўдалося сабраць груп, прызнаецца Юрчык. Ён спадзяецца, што на наступны год класаў будзе больш.

Усяго ў школу запісалася больш за 40 дзетак. У першы дзень, 2 верасня, на заняткі прыйшлі каля дваццаці.

«Дзеці 5 дзён на тыдзень ходзяць у польскія школы, а ў суботу будуць прыходзіць да нас, каб не толькі размаўляць і вучыцца па-беларуску, але і каб пазнаёміцца са сваімі беларускімі аднагодкамі. Будзем спадзявацца, што дзякуючы нашай школе яны пасябруюць на ўсё жыццё. Сярод нашых задач захаваць і пашырыць беларускамоўнае асяроддзе», — тлумачыць Алег Юрчык.

Адзін з бацькоў адзначыў, што беларусы павінны ведаць беларускую мову нават на чужыне, бо нацыянальная мова — гэта тое, што адрознівае іх ад іншых.

«Тут вельмі шмат беларускіх дзяцей і для іх важнае беларускамоўнае асяроддзе. Дзеці павінны ведаць, што беларусы гавораць па-беларуску, — кажа ён. — Сам я з Мінска і там зусім не чуў беларускай мовы. У мяне не было беларускамоўнага асяроддзя. Мой сын цяпер упэўнены, што людзі ў свеце гавораць па-беларуску, і яму гэта трэба».

Алег Юрчык

У беларускай школе працуюць чатыры настаўнікі, якія зацікаўленыя, каб беларускія дзеці вучыліся па-беларуску і размаўлялі па-беларуску, запэўнівае Алег Юрчык. Сам ён будзе выкладаць беларускім дзецям курс «Чалавек і свет».

Па яго словах, з адкрыццём школы былі фінансавыя пытанні, якія не дазволілі ажыццявіць тое, што задумвалася першапачаткова. Існуюць праблемы з падручнікамі і іншымі школьнымі дапаможнікамі. Але гэтыя перашкоды пераадольныя, кажа Юрчык.

Заняткі ў беларускай школе праходзяць у беластоцкім цэнтры грамадскай актыўнасці на вуліцы Святога Роха, 3. Гэты асяродак абсталяваны ўсім неабходным для навучання.

Такія ж філіялы, як у Беластоку, з'явіліся сёлета ў Гданьску і Кракаве.

«Наша Нiва» — бастыён беларушчыны

ПАДТРЫМАЦЬ

Глядзіце таксама:

«26 тысяч беларусаў вучацца ў польскіх школах. Ці будуць яны адчуваць у сабе беларускую ідэнтычнасць?»

У Магілёве пайшлі вучыцца ў беларускамоўны клас толькі пяць першакласнікаў

Беларуская анлайн-школа ва Украіне напярэдадні навучальнага года распавяла, што ў іх адбываецца

Якія прыватныя школы цяпер працуюць і колькі там каштуе навучанне

Сабраць дзіця ў школу: цэны параўноўваюць бацькі ў Беларусі, Літве і Польшчы

Дэпутат Марзалюк выказаўся за пазітыўную дыскрымінацыю на карысць беларускай мовы. У часткі лукашыстаў палыхае

Каментары6

  • Ахрэм
    02.09.2023
    Віталь, ё адчуванне, што Польшча кладзе болт на законы ЕС, а згодна з польскімі законамі беларусы (не маючы польскага пашпарту) не могуць навучацца па-беларкску. І гэта факт. І Польшча гэтым карыстаецца каб хутчэй асіміляваць беларусаў. Польскі пашпарт можна атрымаць пасля 8 гадоў, за гэты час беларусы асімілююцца і забудуць родную мову.
  • Малайцы, дзякуй усім хто падтрымлівае родную культуру за мяжой.
    02.09.2023
    А некаторыя ганебнікі і за мяжой трымаюцца рускага свету. Успомніць родную мову - гэта некалькі дзён, але прасцей вывучаць замежную з нуля, але толькі не сваю, ды на расейскай усім тлумачыць, што ты нармальны беларус, за незалежнасць, супраць Расеі... цьфу ў твар.
    Нашая мова - працяг мовы Русі і Вялікай Літвы, а іхняя - убогі дыялект балгарска-татарскай.
    Нашая культура - еўрапейскі шлях, іхняя - дэградацыя
  • Лютоўскі Ятвяг
    03.09.2023
    Жыве Ятвязь-Беларусь !
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Стала вядома пра смерць 47-гадовага бізнэсмена і былога палітвязня Дзяніса Бойдака

Стала вядома пра смерць 47-гадовага бізнэсмена і былога палітвязня Дзяніса Бойдака

Усе навіны →
Усе навіны

Спецпасланнік Трампа: Кіраўніцтва Украіны пагадзілася з правядзеннем прэзідэнцкіх выбараў13

Ліміт выплат па еўрапратаколе вырас з 800 еўра да 6300 рублёў1

У Мінску хуткасць арэндных самакатаў збіраюцца знізіць да 20 км/г, а ў цэнтры — да 7 км/г6

Пры Мірскім замку ўзнаўляюць італьянскі сад XVIII стагоддзя. Комплекс чакае маштабная разбудова5

Невядомыя апаганілі статую Уэйна Грэцкі ў Эдмантане3

Трамп скасоўвае прававы статус 530 тысяч кубінцаў, гаіцянаў, нікарагуанцаў і венесуэльцаў2

Дзе ляжыць выкуплены Статут ВКЛ? Павел Мацукевіч — пра тое, што беларусы мусяць сабе вярнуць7

Пагражаюць за Дзень Волі? Вось што трэба рабіць45

Трамп заявіў пра стварэнне амерыканскага знішчальніка новага пакалення8

больш чытаных навін
больш лайканых навін

Стала вядома пра смерць 47-гадовага бізнэсмена і былога палітвязня Дзяніса Бойдака

Стала вядома пра смерць 47-гадовага бізнэсмена і былога палітвязня Дзяніса Бойдака

Галоўнае
Усе навіны →

Заўвага:

 

 

 

 

Закрыць Паведаміць