«Праціўнік змог падысці». У «ДНР» заявілі пра націск УСУ на захадзе Данецкай вобласці
Намеснік начальніка «Расгвардыі» ў самаабвешчанай «ДНР» Аляксандр Хадакоўскі заявіў, што Узброеныя сілы Украіны пачалі магутны наступ на ўчастку паміж населенымі пунктамі Новаданецкае і Новамаёрскае на захадзе Данецкай вобласці.
Паводле яго звестак, у раёне Новаданецкага «робіцца спроба прарыву з ужываннем вялікай колькасці бранятэхнікі».
Як піша Хадакоўскі ў тэлеграме, на працягу некалькіх дзён украінскія войскі кругласутачна вялі актыўныя артылерыйскія абстрэлы расійскіх пазіцый, у выніку чаго «мінныя загароды страцілі сваю эфектыўнасць, а бесперапыннасць артабстрэлаў не дала магчымасці сапёрам паставіць міны і аднавіць разбуранае».
«У выніку праціўнік змог падысці да нашых пазіцый ушчыльную практычна без страт, высадзіў дэсант і пасля працы прамой наводкай па нашых умацаваннях адцягнуў тэхніку назад, баючыся рэакцыі нашай артылерыі», — піша Хадакоўскі.
Ён дадае, што на подступах да Новаданецкага «цяпер жорсткі бой», украінскія войскі адначасова спрабуюць рухацца і да Новамаёрскага.
Генеральны штаб УСУ ў сваёй ранішняй зводцы пра падзеі на фронце аб баявых дзеяннях у раёне Новаданецкага і Новамаёрскага не згадваў.
Цяпер чытаюць
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было44
Каментары