Расіяне рыхтуюцца да магчымага адступлення — разрабавалі завод у Такмаку
Расіяне пачалі рабаваць прадпрыемствы ў Запарожскай вобласці і распрацавалі план вывазу каштоўных рэчаў з-за складанай для іх сітуацыі на паўднёвым фронце, паведамляе ўкраінскі Цэнтр нацыянальнага супраціву.

Паводле інфармацыі Цэнтра, у часова акупаваным Такмаку расіяне разрабавалі мясцовы кавальска-штамповачны завод. Большасць абсталявання расійскія вайскоўцы вывезлі.
Акрамя гэтага, мясцовыя акупацыйныя ўлады распрацавалі план вывазу каштоўных рэчаў з захопленага горада. Ён будзе прыменены ў выпадку пагаршэння сітуацыі для расіян.
Сёння расійскі бок прызнаў адступленне з сяла Рабоціна. Гэта частка ўкраінскага наступлення на Такмак — стратэгічны вузел расійскай арміі. УСУ спрабуюць разарваць сухапутны калідор у Крым, для чаго ў пачатку чэрвеня 2023 года пачалі прасоўванне да Мелітопаля і Бярдзянска. Узяцце Такмака — частка гэтага шляху.
З сакавіка 2022 года ён знаходзіцца пад расійскай акупацыяй.
Каментары