Прайшло больш за 14 гадзін з моманту землятрусу, а колькасць загінулых працягвае расці, піша Бі-бі-сі.
Вось што нам вядома на гэты момант.
Паводле даных Міністэрства ўнутраных спраў, сама меней 820 чалавек загінулі і 672 чалавекі атрымалі раненні ў выніку землятрусу магнітудай 6,8.
Эпіцэнтр знаходзіўся ў горным хрыбце Высокі Атлас за 71 кіламетр (44 мілі) на паўднёвы захад ад Маракеша.
Землятрус адчуваўся ў Рабаце, Касабланцы і некалькіх раёнах на поўдзень ад Маракеша.
Лічыцца, што многія ахвяры знаходзяцца ў аддаленых вёсках, асабліва ў Атласкіх гарах.
Улады заклікалі жыхароў здаваць кроў, бо ў бальніцы паступае ўсё больш параненых.
Сусветныя лідары, у тым ліку брытанскі прэм'ер-міністр Рышы Сунак і прэзідэнт ЗША Джо Байдэн, прапанавалі дапамогу Марока.
British Airways цяпер выкарыстоўвае самалёты большага памеру на сваім маршруце ў Маракеш, калі брытанскім турыстам спатрэбіцца вярнуцца дадому.
Цяпер чытаюць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам41
Каментары