Экс-чэмпіён Беларусі па футболе ўмудрыўся атрымаць васьміматчавую дыскваліфікацыю ў другой лізе
Экс-хаўбек БАТЭ і зборнай Беларусі сёння выступае за «Мёры» з другой лігі (трэці дывізіён).
Філіп Рудзік атрымаў васьміматчавую дыскваліфікацыю. Гэта адбылося па выніках паядынку «Віцебскага дывізіёна» «Паставы» — «Мёры» (2:2). Рудзік пакараны паводле артыкулаў 70 («сур'ёзныя парушэнні правілаў гульні супраць афіцыйных асоб матча») і 75 («пагрозы ў дачыненні да афіцыйнай асобы футбольнага матча»), піша Прэсбол.
Пазнака ў афіцыйным пратаколе сустрэчы паміж «Мёрамі» і «Паставамі» абвяшчае, што паўабаронца падышоў да галоўнага арбітра матча і ў агрэсіўнай манеры абражаў і пагражаў фізічнай расправай судзейскай брыгадзе.
У турнірнай табліцы «Мёры» набралі 40 пунктаў у 16 сустрэчах.
Філіп Рудзік двойчы станавіўся чэмпіёнам Беларусі ў складзе БАТЭ (2010, 2011), за зборную Беларусі згуляў чатыры матчы ў 2009-2011 гадах. Зараз гуляе за мінорныя «Мёры».
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары