Расійскія ўлады абвясцілі ў вышук былога дарадцу Офіса прэзідэнта Украіны Аляксея Арастовіча.
У Расіі Арастовіч уключаны ў рэестр экстрэмістаў і тэрарыстаў. Але артыкул, па якім яго абвясцілі ў вышук, не паведамляецца.
Арастовіч стаў вядомы дзякуючы штодзённым стрымам на ютубе з Маркам Фейгіным, дзе разбіраў сітуацыю на фронце і пасяляў ва ўкраінцах надзею. Стрымы глядзела мільённая аўдыторыя, але ў сярэдзіне жніўня іх паставілі на паўзу.
10 жніўня Аляксей Арастовіч выклаў відэаінтэрв'ю з расійскай апазіцыйнай журналісткай Юліяй Латынінай, дзе абмяркоўваліся самыя надзённыя пытанні (за дзень да гэтага, 9 жніўня, у Арастовіча выйшаў апошні сумесны стрым з Фейгіным).
«Галоўная наша памылка — гэта калі мы дазволілі сабе расчалавечваць усіх расіян. Спачатку мы трымаліся, а потым акунуліся ў гэта ўсё. Мы далі сярэднестатыстычнаму мабілізаванаму расіяніну, які цяпер складае касцяк арміі, выдатную матывацыю ваяваць. Зараз ён заўсёды можа сабе патлумачыць, навошта ён ваюе, бо мы далі яму падставу для помсты, калі называлі яго жонку, дзяцей і бацькоў жывёламі», — казаў у тым відэа Арастовіч.
Адзін з гледачоў напісаў на Арастовіча заяву ў СБУ, ягоныя словы на відэа ён палічыў апраўданнем агрэсіі супраць Украіны, што прадугледжвае пакаранне ў выглядзе пазбаўлення волі тэрмінам да трох гадоў паводле артыкула 436-2 КК Украіны.
Цяпер чытаюць
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі13
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары