У пасёлку Светлагорскага раёна мужчына зняў з флагштока афіцыйны сцяг і павесіў украінскі
У ноч з 13 на 14 кастрычніка ў рабочым пасёлку Сасновы Бор нехта перарэзаў дрот з флагштока, зняў дзяржаўны сцяг і выкінуў яго ў смеццевы кантэйнер. Замест беларускага сцяга быў узняты ўкраінскі. Пра гэта выданню «Светлагорскія навіны» распавёў следчы па асабліва важных справах Светлагорскага РАСК Васіль Марушэнка.
Міліцыя затрымала 41-гадовага мужчыну, які, як паведамляецца, раней у поле зроку міліцыі не трапляўся.
«Падчас правядзення ператрусу па месцы жыхарства была выяўленая сімволіка экстрэмісцкай накіраванасці», — паведамляе выданне.
Мужчыну затрымалі.
Заведзена крымінальная справа па арт. 370 Крымінальнага кодэкса Рэспублікі Беларусі «Здзек з дзяржаўных сімвалаў». Паводле яго, мужчыну пагражае пакаранне ад штрафу да трох гадоў пазбаўлення волі.
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне14
Каментары
У мяне ёсьць пытаньне да аўтара тэксту: вы лукашыст? Чз для вас свой?