На ўсходзе краіны да — 27°С, «найцяплей» было ў Гродне — нейкія там 12 градусаў марозу.
Маразы не выклікалі збояў у рабоце беларускай энергасістэмы,паведаміў вядучы інжынер РУП «Аператыўна‑дыспетчарскае ўпраўленне» ДВА «Белэнерга» Уладзімір Кардуба.
Паводле яго слоў, на сёння не назіраецца збояў у крыніцах «Белэнерга» пры падачы цяпла. Па стане на раніцу 16 снежня не было адключэнняў і ў электрасетках.
Напярэдадні днём адбываліся адзінкавыя адключэння — у Віцебскай, Мінскай і Гомельскай абласцях.
У асноўным яны былі звязаныя не з марозам, а з тэхнічнымі прычынамі, у прыватнасці, з пашкоджаннем кабельных ліній.
«Ёсць пастаянна дзяжурныя брыгады, і ўсе такія збоі ліквідуюцца на працягу 1,5‑2 гадзін, — запэўніў Уладзімір Кардуба. — Масавых і працяглых адключэнняў у нас няма. Праца ідзе ў штатным рэжыме».
Паводле звестак прадстаўніка «Белэнерга», сёння ноччу ў рэгіёнах краіны фіксаваліся розная тэмпература. Напрыклад,
у Гродне яна трымалася на ўзроўні 12 градусаў марозу, у Брэсце — мінус 17, у Менску — мінус 22, а на ўсходзе краіны слупок тэрмометра апусціўся да адзнакі мінус 27 градусаў.
Каментары