Камандна‑вымяральны пункт для забеспячэння палёту беларускага касмічнага апарата ствараецца ў Лагойскім раёне.
Беларусь пачала стварэнне Нацыянальнага касмічнага агенцтва, паведаміў сёння журналістам першы намеснік старшыні Прэзідыума Нацыянальнай акадэміі навук Беларусі Пётр Віцязь.
«Фарміраванне новай структуры пачалося ўжо, мы ўзгаднілі са многімі міністэрствамі, што трэба стварыць сістэму кіравання праектамі ў сферы касмічных даследаванняў і касмічных тэхналогій, — расказаў Пётр Віцязь. — Плануем пры Прэзідыуме Нацыянальнай акадэміі навук Беларусі стварыць такую сістэму. Як дакладна будзе называцца новая структура, будзе вырашана ўрадам».
Стварэнне нацыянальнага касмічнага агенцтва прадугледжана Нацыянальнай праграмай даследавання і выкарыстання касмічнай прасторы ў мірных мэтах на 2008‑2012 гады. Плануецца, што новая структура будзе вырашаць усе пытанні, звязаныя з даследаваннем і выкарыстаннем Беларуссю касмічнай прасторы, у тым ліку з прымяненнем магчымасцей новага беларускага спадарожніка, які плануецца запусціць у наступным годзе.
Новы беларускі спадарожнік будзе больш лёгкі і манеўраны, чым папярэдні: яго вага складзе амаль 400 кг, распазнаванне каля 2 м.
Беларускі касмічны апарат забяспечыць поўнае пакрыццё тэрыторыі Беларусі касмічнай здымкай. Інфармацыю, што атрымліваецца са спадарожніка, плануецца выкарыстоўваць для экалагічнага маніторынгу, кантролю за землекарыстаннем, назірання і прадухілення надзвычайных сітуацый, абнаўлення тапаграфічных карт і іншых мэт.
Камандна‑вымяральны пункт для забеспячэння палёту беларускага касмічнага апарата ствараецца ў Лагойскім раёне Мінскай вобласці.
ам будзе функцыянаваць сучасная антэнная сістэма і праграмна‑апаратны комплекс для прыёму інфармацыі са спадарожніка. Усе касмічныя даныя будуць перадавацца адсюль у Цэнтр кіравання палётамі касмічнага апарата, які будзе функцыянаваць у будынку Аб’яднанага інстытута праблем інфарматыкі НАН у Мінску.
Цяпер чытаюць
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?29
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць88
Каментары