Культура

Даследчыкі адшукалі, як насамрэч выглядала слуцкая персіярня, на якой выраблялі знакамітыя паясы

Раней за будынак персіярні памылкова прымалі зусім іншы будынак, які размяшчаўся недалёка. Але выгляд сапраўднага будынка захаваўся дзякуючы планам расійскіх уладаў перабудаваць яго на казарму.

Месца размяшчэння будынка персіярні на плане горада і яго галоўны фасад. З кнігі «Маджарскія: армянскі род у гісторыі Беларусі».

Даследчыкам удалося адшукаць выяву Слуцкай персіярні 1797 года пры падрыхтоўцы фундаментальнай манаграфіі пра стваральнікаў мануфактуры «Маджарскія: армянскі род у гісторыі Беларусі».

Памылка пайшла ад кнігі «Нашы касцёлы. Мінская архідыяцэзія», апублікаванай у 1913 годзе ксяндзом і гісторыкам Юзафатам Жыскарам, дзе было змешчана фота двухпавярховага мураванага будынку ў Слуцку, падпісанага як «былая фабрыка літых паясоў».

Камяніца бібліятэкі Слуцкага езуіцкага калегіума, які прымалі за будынак персіярні. 

Але, як даводзяць даследчыкі, у слуцкіх персіяраў ніколі не было мураваных будынкаў. Ксёндз Жыскар, відавочна, не збіраўся ўводзіць у зман чытачоў, а проста зафіксаваў гарадскую легенду, якая бытавала ў Слуцку на мяжы XIX і XX стагоддзяў. Мураваны двухпавярховы будынак сапраўды знаходзіўся побач з месцам колішняй персіярні, але быў будынкам бібліятэкі былога езуіцкага калегіума. У калегіуме ў канцы 1760-х з усёй верагоднасцю вучыўся Лявон Маджарскі, сын заснавальніка слуцкай мануфактуры і яе будучы кіраўнік. 

Фрагмент плана горада 1792 года. Пад лічбай 5 — бібліятэка езуіцкага калегіума, пад лічбай 9 — слуцкая персіярня. З кнігі «Слуцк на старых планах»

Як вядома, фабрыка з 1760-х гадоў размяшчалася ў былых казармах гранд-мушкецёраў, двух характэрных выцягнутых будынках, адлюстраваных на многіх планах горада. Пасля смерці Караля Станіслава Радзівіла ў 1790 годзе і пераходу Слуцка пад уладу Расійскай імперыі ў 1793 персіярня пачала занепадаць. 

У канцы 1790-х гадоў з'явіўся праект пераабсталявання часткі будынкаў пад казармы Нізоўскага пяхотнага палка расійскай імператарскай арміі. Праект пераабсталявання («Квартал, где ныне назначается выстроіть казармы для одного баталіона Нізовскаго полку, і где состоят ветхіе князя Радівіла шёлковые фабрікі»), складзены ў 1797 годзе мінскім губернскім архітэктарам Фёдарам Крамерам, так і не быў рэалізаваны на практыцы, але дзякуючы яму захаваўся выгляд будынка, важнага для беларускай гісторыі.

Слуцкая міні-ЦЭЦ на месцы колішняга езуіцкага калегіума і мануфактуры паясоў. Фота: Мінскэнерга

Сёння на тэрыторыі былой персіярні і езуіцкага калегіума не засталося ніводнага гістарычнага будынка — на іх месцы за савецкім часам пабудаваная міні-ЦЭЦ № 2. 

«Наша Нiва» — бастыён беларушчыны

ПАДТРЫМАЦЬ

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Перамовы паміж Расіяй і ЗША ў Эр-Рыядзе пачаліся6

Перамовы паміж Расіяй і ЗША ў Эр-Рыядзе пачаліся

Усе навіны →
Усе навіны

Беларус паспрабаваў атрымаць грамадзянства Украіны, бо ягоныя продкі ў 1918 годзе нібыта жылі ва УНР1

У Беларусі пачалі прадаваць седан «бізнэс-класу» ад Lada, на які спрабавалі перасадзіць расійскіх чыноўнікаў. Што за ён і колькі каштуе10

Знойдзеныя пад Смалявічамі абломкі сапраўды аказаліся метэарытнымі

Пажар на Чарнобыльскай АЭС дагэтуль не патушылі4

Ватыкан паведаміў пра складаную клінічную сітуацыю са здароўем Папы Францішка

24-гадовая дзяўчына з Барысава патанула ў ванне5

Агент Дудкін расказаў, як даваў КДБ справаздачы пра Латушку і магілёўскіх студэнтаў25

Украіна нічога не ведала пра перамовы ў Саудаўскай Аравіі і не будзе іх прызнаваць11

Лукашэнка прапанаваў стварыць спіс «сумленных» бізнэсменаў, якія атрымаюць індульгенцыю ад праверак6

больш чытаных навін
больш лайканых навін

Перамовы паміж Расіяй і ЗША ў Эр-Рыядзе пачаліся6

Перамовы паміж Расіяй і ЗША ў Эр-Рыядзе пачаліся

Галоўнае
Усе навіны →

Заўвага:

 

 

 

 

Закрыць Паведаміць