Кіраўнік Дагестана пракаментаваў віруснае фота, дзе ўдзельнік беспарадкаў шукае яўрэя ў турбіне самалёта
Кіраўнік Дагестана Сяргей Мелікаў пракаментаваў фатаграфію, дзе ўдзельнік беспарадкаў у аэрапорце Махачкалы зазірае ў рухавік самалёта. Гэты здымак разышоўся па інтэрнэце і стаў прадметам жартаў. «Над намі ўвесь свет смяецца», — адзначыў Мелікаў.
«Навошта на фюзеляжы або пад крылом паветранага судна ў турбіне шукаць яўрэя? Вось вам цяпер смешна, у мяне, калі я першы раз убачыў, таксама была ўсмешка на твары. А потым стала страшна. <…> Над намі ж увесь свет смяецца дзякуючы вось гэтым прайдзісветам», — цытуе яго РБК..
Ён таксама заявіў, што вымаўленае ім слова «мярзотнікі» не адносілася да тых, хто знаходзіўся ў аэрапорце. «Вось гэтыя мае эпітэты, яны адносяцца да тых, хто гэта арганізаваў. Да тых, хто павёў туды людзей», — дадаў Мелікаў.
Нагадаем, у ноч на 30 кастрычніка ў Дагестане прайшлі пратэсты пад антысеміцкімі лозунгамі, пагромшчыкі ўварваліся ў аэрапорт Махачкалы. Частка пратэстоўцаў выбегла на ўзлётную паласу, калі туды прыляцеў рэйс з Тэль-Авіва.
Кіраўнік Дагестана Мелікаў абвінаваціў «здраднікаў і бандэраўцаў» з Украіны ў арганізацыі беспарадкаў у аэрапорце Махачкалы.
Цяпер чытаюць
Мінчанка Ангеліна, якая прасіла ў Лукашэнкі кватэру за тройню, атрымала жыллё26
Каментары