У Гродне афіцыянтка плюнула ў страву, і гэта трапіла на ВІДЭА
Дзяўчына, якая працуе афіцыянткай у адной з устаноў Гродна, стала зоркай сацсетак, але слава яе даволі спецыфічная. Відэа мясцоваму парталу NewGrodno даслалі чытачы.
На відэа бачна, як дзяўчына-афіцыянтка плюе ў страву. Пасля яна акуратна прыбірае нешта адтуль спачатку пальцам, а потым сурвэткай. Далей відэа абрываецца: верагодна, талерку панеслі наведвальнікам.
«Дарэчы, калегі кажуць, што афіцыянтка здымала сама сябе. Навошта яна гэта зрабіла, ніхто не ведае», — расказаў Newgrodno.by адзін з чытачоў.
Яшчэ адна крыніца выдання пацвердзіла, што справа сапраўды мела месца ў Гродне.
«Усе калегі ў курсе таго, што адбылося. Яны ў шоку. Ніхто не можа зразумець прычыну. А дзяўчына ў шоку ад таго, што асабістае відэа неяк выцекла ў сеціва», — расказаў Newgrodno.by чалавек, знаёмы з сітуацыяй.
Партал наўмысна пакуль не паведамляе, пра якую менавіта ўстанову ідзе гаворка, аднак журналісты разлічваюць атрымаць каментар ад яе кіраўніцтва «На мой запыт чамусьці ніякай рэакцыі не было», — падзяліўся з парталам чытач.
Не так даўно ў тым жа Гродне ў адной з устаноў таксама быў падобны скандал, звязаны з тым, што ў стравах наведвальнікаў апынуліся муха і апарыш. Але там адміністрацыя адрэагавала аператыўна і пайшла насустрач кліентам, прапанаваўшы ім кампенсацыю за нязручнасці.
Цяпер чытаюць
«Усе гундзелі, бурчэлі». Лукашэнка расказаў, што ў войску былі незадаволеныя, што навучаць іх запрасілі вагнераўцаў4
Каментары