Кіраўнік кампаніі, якая прадстаўляе паслугу вяртання ПДВ (такс-фры) у Літве, прывёў канкрэтныя лічбы пра тое, што менавіта купляюць беларусы і колькі грошай яны трацяць у сярэднім у Літве, піша Delfi.lt.
З пачатку 2023 года віленскія гандлёвыя цэнтры наведалі 1,43 млн чалавек (тут варта зазначыць, што некаторыя наведваюць не адзін раз). З іх у ліпені Літву наведалі 146 тысяч, у жніўні — 169 тысяч, у верасні — 216 тысяч.
Разам з тым з кастрычніка 2022 года па лістапад 2023 года заяўкі на вяртанне такс-фры прадаставілі 174 000 чалавек, згодна з якімі гандляры вярнулі жыхарам Беларусі каля 4,77 мільёна еўра ПДВ.
Сярэдні чэк беларусаў у Літве складае 235 еўра. 25,5% пакупак складаюць электроніка і бытавая тэхніка з Topo centras, Elektromarkt і іншых. 21,9% пакупак — тавары для дома (Depo, Senukai), 17,91% — адзенне і абутак, 7,7% — харчовыя тавары, 5,97% — спартыўныя тавары, 2,32% — парфумерыя і касметыка, 0,86 — гадзіннікі і ювелірныя рэчы.
Цяпер чытаюць
Палякі купляюць дамы ў Беларусі — цікавяцца, ці хопіць на жыццё еўрапейскай пенсіі, і радуюцца смешным выдаткам9
Каментары