У Харкаўскай вобласці беларускі добраахвотнік стрэліў у пабраціма
Надзвычайнае здарэнне адбылося 4 снежня ў Купянскім раёне, які застаецца адным з найбольш складаных кірункаў баявых дзеянняў.
Ва Украіне расследуюць крымінальную справу, якую завялі па факце ранення вайскоўцам Узброеных сіл Украіны, грамадзянінам Беларусі, свайго ўкраінскага калегі.
Як стала вядома «Радыё Свабода», надзвычайнае здарэнне адбылося 4 снежня ў Купянскім раёне Харкаўскай вобласці.
4 снежня прыкладна а 8-й гадзіне вечара ў часовай дыслакацыі адной з вайсковых частак Узброеных сіл Украіны беларус, які служыць стралком, стрэліў з аўтамата Калашнікава, трапіўшы ў жывот іншага вайскоўца. Грамадзянства пацярпелага не ўдакладняюць.
Справу расследуе ўпраўленне Дзяржаўнага бюро расследаванняў у Харкаўскай вобласці.
Вядома, што вайсковец атрымаў скразное раненне ў жывот. На месца здарэння ў той жа дзень накіравалі выканаўцу абавязкаў следчага Купянскага раённага аддзялення паліцыі, які агледзеў месца здарэння і сабраў усе неабходныя рэчавыя доказы. Пацярпелага эвакуавалі з месца здарэння для аказання медычнай дапамогі. Ягоны стан невядомы.
Здарэнне пакуль расследуюць паводле ч. 1 артыкулу 414 Крымінальнага кодэксу Украіны — парушэнне правілаў абыходжання са зброяй, якое прывяло да цялесных пашкоджанняў пацярпелага або стварыла небяспеку для наваколля.
Цяпер чытаюць
Дзе працуюць і як выглядаюць жонкі топ-чыноўнікаў?9
Каментары