У Гомелі шматдзетная мама стала нараджаць проста падчас навагодняга ранішніка ў школе
Роды пад ялінкай. Гамяльчанка Кацярына прыйшла з трыма дзецьмі на навагодні ранішнік і… нарадзіла чацвёртага.
Неардынарны навагодні падарунак стаў поўнай нечаканасцю і для мамы, і для ўсіх гасцей свята, уключаючы Дзеда Мароза і Снягурку, піша «Гомельская праўда».
Ранішнік праводзіўся ў гомельскай сярэдняй школе № 19, гэта была рэспубліканская акцыя «Нашы дзеці» — сапраўднае свята для дзяцей і дарослых арганізаваў «Белаграпрамбанк».
Удзел у ім таксама ўзялі прадстаўнікі адміністрацыі Цэнтральнага раёна.
У ліку запрошаных аказалася і сям'я Бабічавых, мама з трыма дзецьмі. Кацярына знаходзілася на познім тэрміне цяжарнасці.
Магчыма, эмацыйны ўздым падчас урачыстасці і асаблівая навагодняя атмасфера адыгралі сваю ролю. У жанчыны пачаліся схваткі.
Нейкі час госці свята, вядома, былі ў замяшанні. Але ўсё ж зарыентаваліся і выклікалі хуткую. А вось медыкі ўжо не марудзілі, прымчаліся хутка.
Ужо ў радзільным доме на свет з'явіўся чарговы гамяльчук. Хлопчык.
Цяпер чытаюць
«Пра нешта мы не гаворым, памоўчваем». Лукашэнка з цяжкасцю гаварыў, але настройваў генералаў на барацьбу за мір да апошняй кроплі крыві6
«Пра нешта мы не гаворым, памоўчваем». Лукашэнка з цяжкасцю гаварыў, але настройваў генералаў на барацьбу за мір да апошняй кроплі крыві
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4545
Каментары