Уласніка брэнда «Хорціца» Расія вінаваціць у падтрымцы УСУ, а Украіна — у фінансаванні расійскай агрэсіі
Ва Украіне ўладальніка брэнда «Хорціца» Яўгена Чарняка абвінавацілі ў фінансаванні расійскай агрэсіі.
Па версіі следства, кампаніі Чарняка працягвалі весці бізнэс у Расіі нават пасля пачатку поўнамаштабнай вайны — і за 2022 год пералічылі ў расійскі бюджэт суму, эквівалентную шасці мільярдам грыўняў (каля 160 млн даляраў). Цяпер вырашаецца пытанне аб арышце маёмасці Чарняка і яго кампаній, піша «Медуза».
Сам бізнэсовец, які жыве па-за межамі Украіны, заявіў, што супраць яго холдынгу «Global Spirits» у Расіі з 2014 года ўведзены санкцыі, таму «мець там якія-небудзь актывы кампанія не магла». Ён заявіў, што прадпрыемствы, якія фігуруюць у дакументах, належаць не яму — і знаходзяцца не ў Расіі, а ў іншых краінах былога СССР.
У пачатку ліпеня 2023 г. СК РФ завёў у дачыненні да Чарняка крымінальную справу па артыкуле аб фінансаванні тэрарызму з-за таго, што ён ахвяраваў грошы на патрэбы УСУ. Бізнэсоўца аб'явілі ў вышук. Расфінманіторынг унёс Чарняка ў свой спіс тэрарыстаў і экстрэмістаў.
Структура ААН запярэчыла, што ўкраінскі бізнэсмен Фірташ акрэдытаваны пры іх арганізацыі. Раней казалі, што ён там ад Беларусі
«Народ жа чакаў вызваліцеляў, а прыйшлі, б…, акупанты». Ва Украіне апублікавалі запісы размоў мільярдэра-калабаранта Вячаслава Багуслаева
Украінскі алігарх Рынат Ахметаў хоча судзіцца з Расіяй з-за захопленых актываў
Каментары