Будуць судзіць трэнерку па плаванні, з-за недагляду якой загінула дзіця
Паводле паведамлення прэс-службы Генпракуратуры, у суд Цэнтральнага раёна Гомеля накіраваная крымінальная справа ў дачыненні да 58-гадовай трэнеркі па плаванні. Ёй інкрымінавана неналежнае выкананне абавязкаў па забеспячэнні бяспекі жыццядзейнасці і здароўя малалетняга (ч.2 арт. 165 Крымінальнага кодэкса).
Трагедыя адбылася ў лістападзе 2022 года ў Гомельскім абласным комплексным цэнтры алімпійскага рэзерву. Трэнерка падчас заняткаў па плаванні не ўгледзела, як хлопчык 2016 года нараджэння стаў тануць.
Паводле матэрыялаў справы, абвінавачаная 13 лістапада 2022 года праводзіла платныя заняткі па плаванні з групай з 13 дзяцей.
«У выніку неналежнага выканання ўскладзеных на трэнера абавязкаў у частцы бяспекі жыцця і здароўя дзяцей малалетні хлопчык захлынуўся вадой у чашы дзіцячага басейна. Пасля дастаўлення ў клінічную бальніцу з дыягназам «утапленне, тэрмінальная кома» ён праз 37 дзён, не прыходзячы ў прытомнасць, памёр», — гаворыцца ў паведамленні.
Абраную раней у дачыненні да абвінавачанай меру стрымання ў выглядзе асабістага паручыцельства пакінулі без змены.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары