Паведамленне з фотаздымкам кнігавыдаўца Андрэя Янушкевіча і ягонай супрацоўніцы Насты Карнацкай з'явілася ў сацсетках. З яго вынікае, што неўзабаве выдавецтва «Янушкевіч» адкрые ў Варшаве новую беларускую культурную пляцоўку.
«Памятаеце, як гэтыя два чалавекі працавалі ў мінскай кнігарні «Кнігаўка», якая пратрымалася менш за суткі? Абяцаем, што варшаўская «Кнігаўка» будзе працаваць мінімум у 365 разоў больш.
6 лютага нашаму выдавецтву спаўняецца 10 гадоў, і мы вельмі спадзяёмся, што да гэтага часу зможам адчыніць для наведвальнікаў дзверы нашай кнігарні ў Варшаве.
Мы ўжо рыхтуем эксклюзіўныя навінкі, якія першымі з'явяцца ў нас і якія вы так чакаеце», — паведамляе выдавец.
Цяпер чытаюць
«Муж сышоў з Сіплым і Малым». Імаверна, пад Краматорскам украінцы адным махам убайдосілі трох беларускіх наёмнікаў19
Каментары
ёсць 3 кнігі ад Янушкевіча на палічке :)