У Беларусі выпусцяць куртку з падагрэвам. Здавалася б, прычым тут паўэрбанк
Навінку анансаваў Беллегпрам. Паведамляецца, што куртка будзе каштаваць не даражэй за 200 рублёў.
У Беларусі на масавы адшыў адправілі мадэль курткі з падагрэвам, паведамляе прэс-служба «Беллегпрама». Верхняе адзенне выпускае ААТ «Славянка». У продаж тэхналагічная куртка паступіць да восені.
Арыентыровачны кошт навінкі агучылі ў межах 200 рублёў.
Пакупнікам навамоднага адзення спатрэбіцца паўэрбанк. Для яго вытворца прадугледзеў дадатковую бакавую кішэню, каб вызваліць два стандартныя ад «электрычнай скрынкі».
Кантраляваць падачу цяпла можна адной клавішай з трыма рэжымамі: зялёны — нагрэў у межах 25-35°C, сіні — да 45°C, чырвоны — адразу да 55°C. Патрэбнай тэмпературы адзенне дасягне за 30 секунд.
Паведамляецца, што ў падшыўцы выкарыстоўваецца драпен, які добра праводзіць ток і не дапускае страт цяпла.
Купіць адзенне з падагрэвам можна будзе ў фірменных магазінах сеткі. Адзначаецца, што зараз навінку носяць супрацоўнікі ДАІ, а ў будучыні яе паставяць і за мяжу.
Цяпер чытаюць
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай7
Каментары