Заснавальніца і дырэктарка «Форуму польскіх лакальных ініцыятыў» Ганна Панішава балатуецца ў сябры Варшаўскай гарадской рады. Пра гэта яна паведаміла ў сваім блогу ў фэйсбуку, заўважыў reform.by.
«Паважаныя жыхары Макотава з акругі №3. Звяртаюся да вас з просьбай падтрымаць маю кандыдатуру ў Варшаўскую гарадскую раду на выбарах 7 красавіка 2024 года. Мая пазіцыя нумар 6», — напісала яна і ўдакладніла, што ідзе на выбары ад партыі «Закон і справядлівасць».
Панішаву арыштавалі ў сакавіку 2021 года ў межах кампаніі рэжыму Лукашэнкі па ціску на актывістаў польскай меншасці. Яе, як і яшчэ двух актывістак Ірэну Бярнацкую і Марыю Цішкоўскую, вызвалілі з-пад арышту і выслалі з Беларусі ў чэрвені 2021 года па просьбе Нурсултана Назарбаева.
Анжаліку Борыс вызвалілі толькі ў красавіку 2023 года. Яна застаецца ў Беларусі. За кратамі працягвае знаходзіцца асуджаны на восем гадоў Андрэй Пачобут.
Каментары