Даляр падняў кошт жытла
Затое золата «ўпала».
Услед за ростам долара ЗША ў пераліку на беларускую валюту падаражэла жытло, але ўпала золата. Рух папулярных актываў аналізуе праграма Белсата «Асабісты капітал».
За апошнія тыдні амерыканскі долар адрабіў страты і вырас да еўра на 5%. Долар падняўся ўслед за лепшымі макраэканамічнымі дадзенымі канца года, якія прыйшлі з-за акіяну. І падняў агульную вартасць віртуальнага інвестыцыйнага партфеля праграмы.
Так, праграма «зарабіла» на доларавым дэпазіце ды жылой нерухомасці. Акцыі беларускага бровара «Аліварыя» за апошнія тыдні не змяніліся ў кошце. А вось залатыя зліткі прынеслі праграме мінус.
«Золата трохі ўпала ў кошце. Інвеставанне ў золата з’яўляецца альтэрнатывай інвеставанню ў валюты ды каштоўныя паперы, — каментуе эксперт «Асабістага капітала» эканаміст Серж Наўродскі. — Таму як толькі міравая валюта долар умацаваўся — адразу знізіўся попыт на золата, і гэта адбілася на міравым кошце гэтага метала».
Падрабязней на відэа:
Прапануйце ў каментарах вашы варыянты інвеставання. У якія актывы, даступныя ў Беларусі варта ўкладаць грошы на кароткі ці доўгі тэрмін? Самыя цікавыя прапановы праграма спраўдзіць у эфіры.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку7
Каментары