Жыхара Брэсцкай вобласці прысудзілі да 5 гадоў калоніі па 5 крымінальных артыкулах
А таксама далі вялікі штраф.
Брэсцкі абласны суд прысудзіў мясцовага жыхара да 5 гадоў калоніі па 5 крымінальных артыкула.
Пасяджэнне прайшло 8 красавіка. Паводле інфармацыі «Медыязоны», асуджанага завуць Аляксей Герман.
Германа прызналі вінаватым па пяці крымінальных артыкулах:
- удзел у экстрэмісцкім фармаванні (частка 3 артыкула 361-1 КК),
- дыскрэдытацыя Рэспублікі Беларусь (артыкул 369-1 КК),
- абраза прадстаўніка ўлады (артыкул 369 КК),
- распальванне сацыяльнай варожасці (частка 1 артыкула 130 КК),
- абраза Лукашэнкі (Частка 1 артыкула 368 КК).
У паведамленні прэс-службы гаворыцца, што асуджаны ў сакавіку-красавіку 2022 года, размясціў у «экстрэмісцкім» чаце паведамленні, накіраваныя на «абвастрэнне напружанасці ў грамадстве, дэстабілізацыю абстаноўкі ў Рэспублікі Беларусь». Таксама пісаў «негатыўныя паведамленні і каментары, якія дыскрэдытуюць Рэспубліку Беларусь» і абражаюць службовых асоб і Лукашэнку.
Герман на судзе прызнаў сваю віну часткова. Таксама Аляксей павінен аплаціць штраф 200 базавых велічынь (8 000 рублёў).
Вялікая гутарка з Алінай Коўшык — пра інтэрв’ю з Падсасонным, скандал з Кулеем і рэформы на «Белсаце»23
Каментары