Іх падраздзяленні абвінавачваюць у ваенных злачынствах.
Уладзімір Пуцін глядзеў парад у Маскве 9 мая ў кампаніі не толькі ветэранаў, але і вайскоўцаў, якія ўдзельнічаюць у поўнамаштабным уварванні ва Украіну.
За спіной у Пуціна на трыбуне знаходзіліся старшы лейтэнант Чалым Чулдум-оол, маёр Барыс Дудко і капітан Сяргей Бачэрыкаў, якія ваявалі ва Украіне, піша «Медуза».
Чулдум-оол служыў у 55-й асобнай гвардзейскай мотастралковай брыгадзе. Улады Украіны заяўлялі, што вайскоўцы з гэтай брыгады ў сакавіку 2022 года амаль месяц утрымлівалі больш за 360 жыхароў вёскі Ягаднае ў падвале школы. Тады ў падвале загінулі 10 чалавек.
Дудко служыў у 76-й гвардзейскай дэсантна-штурмавой дывізіі ПДВ — яе абвінавачваюць у забойстве мірных жыхароў падчас акупацыі Бучы.
Бачэрыкаў служыў у 27-й асобнай брыгадзе радыяцыйнай, хімічнай і біялагічнай абароны Заходняй ваеннай акругі і камандаваў агнямётнай ротай.
Цяпер чытаюць
Лукашэнка хоча пабудаваць другую АЭС на патрэбы Расіі і акупаваных украінскіх тэрыторый. Але яго чакае сюрпрыз15
Каментары