Ён размешчаны ў спальным раёне.
Паводле звестак кіраўніка горада Ігара Церахава, снарад патрапіў у будаўнічую краму. Мяркуючы па відэа, гэта гіпермаркет «Эпіцэнтр» на поўдні горада.
Церахаў дадаў паведаміў, што ў гандлёвым цэнтры было шмат людзей, і ў выніку ўдару ёсць вялікая колькасць зніклых без вестак. Два чалавекі загінулі, 11 пацярпелі.
«Суспильне» піша, што на сувязь не выходзяць 15 супрацоўнікаў гіпермаркета.
Паводле словаў кіраўніка Харкаўскай абласной адміністрацыі Алега Сінягубава, расійская авіяцыя скінула дзве карэктавальныя авіябомбы на будаўнічы гіпермаркет.
Прэзідэнт Украіны Уладзімір Зяленскі пазней удакладніў, што ў гіпермаркеце маглі знаходзіцца больш за 200 чалавек. Паводле яго звестак, у памяшканні пачаўся пажар плошчай 10 тысяч квадратных метраў.
Зяленскі дадаў, што калі б ва УСУ было дастаткова сродкаў СПА і сучаснай баявой авіяцыі, такія расійскія ўдары сталі б проста немагчымымі – і ў чарговы раз заклікаў лідараў краін-саюзніц узмацніць пастаўкі.
Мэр горада заявіў, што Расія неўзабаве нанесла яшчэ адзін удар па Харкаве — па Цэнтральным парку. Інфармацыі аб ахвярах пакуль няма.
Дзяніс Мельянцоў і яго рэалпалітык: ён сапраўды памяняў погляды ці проста раней маскіраваўся?47
Каментары