Генштаб УСУ пацвердзіў, што ўдарыў ракетамі ATACMS па паромнай пераправе ў Керчы
Украінскі Генштаб пацвердзіў факт удару ракетамі ATACMS па паромнай пераправе ў Крым, пра які ў ноч на чацвер і раніцай паведамляў расійскі бок.
«Сёння ноччу сілы абароны Украіны нанеслі ўдар ракетамі ATACMS па Керчанскай паромнай пераправе, якая актыўна выкарыстоўвалася ворагам для забеспячэння сваёй групоўкі войскаў у часова акупаваным Крыме […] У выніку істотныя пашкоджанні атрымалі два паромы, якія ажыццяўлялі чыгуначныя і аўтамабільныя перавозкі. Адзін з іх сеў на мель, чым заблакаваў функцыянаванне ўсёй Керчанскай пераправы», — сцвярджае Генштаб УСУ.
Прэс-служба Генштаба публікуе таксама спадарожнікавыя здымкі, на якіх бачныя сляды паражэнняў пераправы ракетамі.
Уначы пра атаку на Керч паведамлялі расійскія крыніцы ў анексаваным Крыме. Яны сцвярджалі, што два паромы, аўтамабільны і чыгуначны, пашкоджаныя абломкамі збітых ракет, і што ахвяр сярод маракоў і цывільных нібыта няма. Пасля Мінабароны Расіі заявіла, што на працягу ночы над акваторыяй Азоўскага мора былі нібыта збітыя восем амерыканскіх аператыўна-тактычных ракет ATACMS.
У сваю чаргу, украінскі Генштаб сцвярджае, што ракеты паспяхова пераадолелі расійскую СПА.
Удава актывіста Максіма Чарняўскага расказала пра яго пакуты перад суіцыдам5
Каментары