У Індыі выявілі жанчыну з найбольшай колькасцю зубоў у свеце
26-гадовая Калпана Балан мае 38 зубоў: чатыры дадатковыя зубы на ніжняй сківіцы і два дадатковыя — на верхняй.
Гэта з'ява называецца гіпердантыяй і сустракаецца ўсяго ў 4% насельніцтва Зямлі, хаця звычайна гаворка ідзе пра адзін ці два дадатковыя зубы.
Калпана распавяла, што дадатковыя зубы ў яе пачалі расці ў падлеткавым узросце. Калі пра гэта яна распавяла бацькам, яны былі ў шоку і загадалі іх выдаліць. Аднак стаматолаг, да якога звярнулася сям'я, параіў дачакацца, пакуль зубы вырастуць цалкам, каб іх было прасцей пазбавіцца. Пазней жанчына вырашыла пакінуць зубы, паколькі яны здаровыя і не прычыняюць ёй дыскамфорту.
Калпана трапіла ў кнігу рэкордаў Гінэса, як уладальніца найбольшай колькасці зубоў у свеце сярод жанчын. Цікава, што ў будучыні яна, імаверна, перасягне ўласны рэкорд, бо ў яе ёсць яшчэ два зубы, якія не прарэзаліся.
Рэкорд сярод мужчын належыць канадцу Эвану Мелонэ. Ëн мае 41 зуб.
Цяпер чытаюць
Лукашэнка: Што творыцца ў краіне, у нас усе гэтую гусь круцяць1
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5656
Каментары