Жыхары Смалявічаў абвінавацілі мясцовы малаказавод у зліве пракіслага малака ў раку Плісу. У ёй апошнім часам дохне рыба
Жыхары Смалявічаў звярнуліся ў мясцовы райвыканкам і РАУС з просьбай праверыць ААТ «Смалявіцкі малочны завод» на тое, што ён нібыта злівае ў раку Пліса адкіды сваёй вытворчасці.
«У горадзе Смалявічы мясцовы малаказавод злівае пракіслую прадукцыю проста ў раку Пліса. Мясцовымі жыхарамі зафіксаваныя злівы пракіслага малака 8 і 17 чэрвеня 2024 года», — гаворыцца ў звароце гараджан.
Зліў гэтых адкідаў у рэкі і вадаёмы, на думку аўтараў звароту, можа нанесці сур'ёзныя страты прыродзе за кошт таго, што павялічваецца кіслотнасць вады і «з-за вялікай колькасці арганікі памяншаецца ўзровень кіслароду».
Дарэчы, у той жа самай Плісе апошнім часам адзначаюцца шматлікія выпадкі, калі ў ёй масава дохне рыба. Пра гэта рэгулярна пішуць мясцовыя выданні.
Так, у пачатку чэрвеня ў Жодзіне на гарадскім пляжы ў раёне набярэжнай мясцовы жыхар зняў на відэа дохлых карасёў. Людзі пачалі абмяркоўваць здарэнне. На месца выехалі спецыялісты. Але 17 чэрвеня Жодзінская ветстанцыя паведаміла, што аналізы загінулых рыб «у норме».
Праз тыдзень загінулых карасёў бачылі на Плісе і пад Жодзіна. Даць справаздачу перад насельніцтвам даручылі Жодзінскай ветэрынарнай станцыі і цэнтру гігіены і эпідэміялогіі. Вось што яны канстатавалі:
«Жодзінская гарадская ветэрынарная станцыя паведаміла, што аналізы загінулых асобнікаў рыбы ў рацэ Пліса, у раёне вуліцы Набярэжнай у Жодзіне, у норме. У Жодзінскім гарадскім цэнтры гігіены і эпідэміялогіі тады паведамілі, што пробы вады на пляжы адбіраюцца 1 раз на тыдзень. Галоўнае, каб не было дажджоў на працягу 3 дзён да адбору пробаў. Ніякіх парушэнняў выяўлена не было, пляж адкрыты для купальшчыкаў».
Такія выпадкі, трэба сказаць, здараліся ў Жодзіне і раней. У студзені 2022 года на Плісе выявілі шмат дохлай рыбы. Тады «кампетэнтныя органы» правялі праверку і была выказаная версія, што рыба загінула ад недахопу кіслароду.
Лукашэнка прыгразіў Расіі вайной у выпадку далучэння Беларусі43
Лукашэнка прыгразіў Расіі вайной у выпадку далучэння Беларусі
«Дамоклаў Меч». Канал «Белорусскій сіловік» настолькі прарасійскі, што многія меркавалі: гэта расіяне яго вядуць. Не, за ім стаіць суперагент Лукашэнкі4040
Каментары