Цэллю Узброеных сіл Украіны падчас вячэрняй атакі Крыма 23 чэрвеня быў Цэнтр далёкай касмічнай сувязі (ЦДКС) Расіі, паведаміў тэлеграм-канал «Крымскі вецер», які збірае інфармацыю пра расійскіх вайскоўцаў на анексаваным паўвостраве.
Гэты аб'ект знаходзіцца ў вёсцы Віціна, недалёка ад Еўпаторыі. Афіцыйная назва цэнтра — 40-ы асобны камандна-вымяральны комплекс (НІП-16).
Маніторынгавая група атрымала спадарожнікавыя здымкі, якія пацвярджаюць пажары на аб'екце пасля прылётаў. Усяго было два ачагі ўзгарання.
У нядзелю днём на тэрыторыі цэнтра ў Віціне стаяла 29 адзінак аўтатэхнікі: 16 — побач з афіцэрскім інтэрнатам, і 13 — на паркоўцы.
Таксама там быў разгорнуты як мінімум адзін комплекс РЭБ «Красуха», прызначаны для прыкрыцця камандных пунктаў і іншых важных аб'ектаў, адзначае канал.
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары