Вечарыну, прысвечаную Ларысе Геніюш, якая мелася адбыцца 9 лютага ў Мінску ў Літаратурным музеі Максіма Багдановіча або забаранілі, або перанеслі.
Вечарыну, прысвечаную Ларысе Геніюш, якая мелася адбыцца 9 лютага ў Мінску ў Літаратурным музеі Максіма Багдановіча або забаранілі, або перанеслі.
Супрацоўнікі музею, пісьменнікі, грамадскія актывісты хацелі ўшанаваць памяць паэткі, вязня сталінскіх лагераў, якой сёлета 9 жніўня споўнілася б 100 гадоў.
У сувязі з гэтай датай шэраг нацыянальных арганізацый абвясцілі ўвесь 2010 год годам Ларысы Геніюш.
Пра забарону вечарыны стала вядома з неафіцыйных крыніц. Але дырэктарка Літаратурнага музэю Максіма Багдановіча Таццяна Шаляговіч кажа, што насамрэч імпрэза не забароненая, а адкладзеная на нейкі час:
«Яна не адмяняецца. Яна адкладаецца. Зараз проста ў музеі ўсе захварэлі. Сёння не прыйшлі на працу тры чалавекі, яшчэ трое сядзяць — шморгаюць насамі. Мусіць, зараз пайшла зноў хваля інфекцыі.
Перажывем, а там зноў наладзім.
Я так вось проста сёння з раніцы і вырашыла, што давайце адкладзем крышку далей».
Канкрэтнай новай даты вечарыны спадарыня Шаляговіч не назвала: «У нас жа час ёсьць да жніўня месяца».
На планаваную 9 лютага вечарыну былі запрошаныя многія пісьменнікі і грамадскія дзеячы, якія асабіста былі знаёмыя з Ларысай Геніюш. У іх ліку іх — і вядомы паэт, лаўрэат Дзяржаўнай прэміі імя Янкі Купалы Алесь Разанаў. Навіну пра адмену імпрэзы ў гонар Ларысы Геніюш спадар Разанаў пракаментаваў так:
«Калі не трэба Геніюш — тады і геніяў не трэба. Падразайце вярхі, падразайце розумы, падразайце таленты».
Цяпер чытаюць
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай77
Каментары